كان يا مكان من سنه و شويه شهور يعنى مش من زمان !
شعب جميل قاده شبابه لثوره ضد الظلم و القهر و لحقهم فيها الاخوان!
ثار الشعب و قال الشعب يريد ان يسقط النظام و الاعوان!
شعب هتف من قلبه و فتح قلبه و كانت الحريه له عنوان!
و فى 11 فبراير سقط النظام و شفنا الفرحه فى الميدان!
مسك الحكم الجيش و كله افتكر مصر هتبقى بستان!
غلط الجيش و قتل من الشباب الكتير برئاسه مشيره و سامى عنان!
و فى نفس الوقت شباب الثوره الطاهر كانو لوحدهم بعد ما باعهم الاخوان!
و عدت ايام و شهور و انتخابات و برلمان!
و الحمد لله بعد سقوط شهداء و دم جديد غار حكم العسكر الجبان!
بس الى مسك الحكم رئيس للاسف شبع بعد ما كان جعان!
قلنا ماشى معاه و وياه طالما احترم القانون و وعدنا بالامان!
عدت ايام و شهور و صقفناله لما شال المشير و عنان!
و فى يوم من الايام وعدنا انه هيعيد تشكيل جمعيه الدستور و يعلى من كرامه الانسان!
و فى يوم تانى مره وحده اصدر قرارات بتحصنه و قال ايه سماه الاعلان!
و حصن اللجنه بتاعه الدستور و رجعنا كلنا لايام زمان!
يوم و التانى و قام قالك يلا علشان الاستفتاء على الدستور يا شعب مصر الجعان!
ليه يا مرسى و احنا كنا ما صدقنا نحس بالحريه و نسينا طعم الطغيان!
و لسه الناس خايفه و تعبانه و ناس تانيه راحت تجرى على الميدان!
و رجعنا من تانى نحارب ضد الظلم و القهر و الفساد و عدم الاحساس بالامان!
و انا النهارده بكتب و بقول التاريخ لن ينسى ظلم الحاكم لشعب بجد مظلوم و تعبان!
ليست هناك تعليقات:
إرسال تعليق